عمر عبداللہ ہَن ترٛٲو درگاہ حضرت بلَس منٛز باب سلام تہٕ باب نورُک سنگ بنیاد۔

جموں و کشمیرٕکۍ وزیر اعلیٰ عمر عبداللہ ہَن ترٛٲو جُمعہ دۄہ یَتہِ درگاہ حضرت بلَس منٛز دۄن یادگاری دروازَن باب سلام تہٕ باب نورٕچ سنگ بنیاد۔
تٔمۍ ووٚن زِ یہِ چھُ وراثت محفوظ تھٲوِتھ مزارُک بنیادی ڈھانچہٕ تہٕ سیاحن ہُنٛد تجرُبہٕ بڑاونَس منٛز اکھ اَہَم قدم۔
وزیر اعلیٰ سٕنٛدِس ‘ایکس’ ہینڈلَس پٮ۪ٹھ أکِس پوسٹَس منٛز اوس وننہٕ آمُت: ‘اَز ترٛٲو وزیر اعلیٰ درگاہ حضرتبلَس منٛز دۄن یادگار دروازَن باب سلام تہٕ باب نورٕچ سنگ بنیاد، یُس وراثت محفوظ تھٲوِتھ مزارُک بُنیٲدی ڈھانچہٕ تہٕ سیاحَن ہُنٛد تجرُبہٕ بڑاونَس منٛز اکھ اَہَم قدم چھُ’۔
سینئر نیشنل کانفرنسٕکۍ ترجمان تنویر صادقَن ووٚن اَتھ موقعَس پیٹھ میڈیاہَس زِ: ‘اَز ترٛٲو وزیر اعلیٰ عمر عبداللہ ہَن درگاہ حضرت بلَس منٛز باب سلام تہٕ باب نورٕچ سنگ بنیاد۔
تٔمۍ ووٚن بیٚیہ: ‘تِہٕنٛز تعمیر گژھِ جلدٕے مُکمل ۔ زائرین چھِ جموں و کشمیر تہٕ باقٕے جاین پٮ۪ٹھٕ درگاہ حضرت بلَس منٛز یِوان، تہٕ سیاحت ہٕنٛدِ نقطہٕ نظرٕ کِنۍ چھےٚ اتھ واریاہ اہمیت۔