کالاش پورہ، سرینگرَس منٛز نار سۭتۍ گوٚو اکھ رہٲیشی مکانہٕ سوٗری

بۄدھوارِ دۄہ صُبحٲے سرینگر کِس کالاش پورہ علاقَس منٛز نار لگنہٕ کِس واقعَس منٛز آو اکھ رہٲیشی مکان سوٗر کرنہٕ۔فائر اینڈ ایمرجنسی ڈیپارٹمنٹٕک أکۍ اہلکارَن ووٚن زِ کالاش پورہَس منٛز آو اَز صُبحٲے نارٕچ اطلاع دِنہٕ، ییٚمہِ پتہٕ نارٕکۍ ٹینڈر آیہِ واقعہٕ جایہِ پٮ۪ٹھ سوزنہٕ۔ تِمو اوٚن سٮ۪ٹھاہ کوٗشِشہِ پتہٕ نار قوبوٗہس منٛز، تہٕ رُکٲوۍ یہِ مزید پھٔہلنہٕ نِش۔أمۍ ووٚن زِ نار لگنہٕ کِس واقعَس منٛز آو اَکہِ پٮ۪ٹھ دۄن پورَن ہُنٛد رہٲیشی مکانہٕ سوٗر کرنہٕ۔تٔمۍ ووٚن ووٚن زِ نارٕ لگنٕکۍ وجہہ چھِ تفتیش یِوان کرنہٕ، مگر کانٛہہ تہِ جٲنی نۄقصانٕچ اطلاع چھِنہٕ۔یہِ چھُ قٲبلہِ ذِکِر زِ وادی منٛز چھِ نارٕکۍ واقعہٕ بڑان، ییٚمہِ سۭتۍ لوٗکَن منٛز تشویش ہٕنٛز لہر پٲدٕ گٔیہِ۔