﴿یو ایف بی یو﴾ بینکرَکرن جوٚم، سرینگر تہٕ لیہَس منٛز 5 دۄہَن ہٕنٛدِ کامہِ ہفتُک مُظٲہرٕ۔
بینک مُلٲزِمو کٔر یونائیٹڈ فورم آف بینک یونینَن ہٕنٛدِس جھنڈَس تحت آز سٲرِسٕے مُلکس منٛز بینک دفتَرن برٛونٛہہ کَنۍ مُظٲہرٕ۔ تِم ٲسۍ بینکَن باپتھ 5 دۄہَن ہُنٛد کامہِ ہُنٛد ہفتہٕ نافذ کرنٕچ منٛگ کران۔
یونین رہنُماہن ووٚن زِ یہِ مسلہٕ تہٕ تِہُنٛد مُطالبہٕ چھُ پوٗرٕ پٲٹھہِ معلوٗم۔ برانچَن منٛز مُلٲزمَن تہٕ افسرَن ہُنٛد بڑوُن تناؤ تہٕ کامہِ ہُنٛد بوجھ آسنہٕ کِنہِ کٔر یوٗ ایف بی یو یَن 5 دۄہَن ہُنٛد کامہِ ہُنٛد ہفتہٕ متعارف کرنٕچ منٛگ۔ تِمَو ووٚن زِ 2015 منٛز دستخط کٔرمٕتۍ 10 مہِ دو طرفہٕ تصفیہٕ / 7 مُشترکہٕ نوٹس منٛز اوس اتھ کتھہِ پیٹھ اتفاق کرنہٕ آمُت زِ پرٮ۪تھ رٮ۪تہٕ کِس 2 تہٕ 4 بٹہٕ وارِ دۄہ آسن چھُٹی، ییٚلہِ زن باقی بٹہٕ وارِ دۄہ آسن پوٗرٕ کامہِ ہُنٛد دۄہ۔
تِمَو ووٚن بیٚیِہ زِ 7 دسمبر 2023 تٲریٖخہٕ مُطٲبِق چھُ آیی بی اے تہٕ ورک مین یونینَن درمیان بینکنگ انڈسٹری خٲطرٕ نیگوٹیبل انسٹرومینٹ ایکٹَس تحت تمام بٹہٕ وارِ دۄہ چھُٹی قرار دِنہٕ باپتھ وٲتِمُت، آیی بی اے یَن کٔر اَمہِ مطٲبِق حکوٗمتَس یہِ سفٲرِش