جے کے ای جے اے سی ہٕچ موجودٕ منتخب اِدارٕچ مُدت ختم۔

جمہوری، شفاف تہٕ بروقت طریقہٕ سۭتۍ جے کے ای جے اے سی ہُک اکھ نٔو باضابطہ طور منتخب اِدارٕ بناونہٕ خٲطرٕ نوِ انتخابن ہُند عمل شروع کرُن چھُ ضروری بنیومُت۔لہٰذا بہٕ چھُس جے کے ای جے اے سی ہُک الیکشن کمشنر سٕندِ حیثیتہٕ الیکشن کمیشنس دِنہٕ آمٕتۍ اختیاراتن ہُند استعمال کٔرِتھ یِتھٕ پٲٹھۍ حُکُم دِوان۔جے کے ای جے اے سی یُک موجودٕ منتخب ادارٕ چھُ پنٕنۍ میعاد پوٗرٕ گژھنہٕ پتہٕ فوری اثر سۭتۍ تحلیل کرنہٕ آمُت۔جے کے ای جے اے سی ہُک الیکشن کمیشن کَرِ تنظیمہٕ کِس ٲییٖن، ضمنی قوانین، تہٕ انتخابی قواعدَن مُطٲبِق تمام ای جے اے سی عہدَن خٲطرٕ نوِ اِنتِخابات شروع تہٕ انعقاد۔انتِخابی عمل مُکمل گژھنَس تہٕ نٔتیٖجَن ہُنٛد اعلان گژھنَس تام روزِ صدر جناب وجاہت حسین سٕنٛدِس سربرٲہی منٛز موجودٕ ای جے اے سی اِدارٕ أکِس نگراں ادارٕ پٲٹھۍ کٲم کران۔