وقف بورڈ چُھ ترقی ہٕنزِ وتہِ پیٹھ، 2026 بٔڑٮ۪ن فٲصلن تہٕ بٔڑٮ۪ن منصوبن ہُند ؤری: وقف چیئرپرسن

جموں و کشمیر وقف بورڈٕچ چیئرپرسن ڈاکٹر سیدہ درکشاں اندرابی یَن ووٚن زِ 2026 ؤری بَنہِ وقف بورڈ کِس تٲریٖخس منٛز انقلٲبی ترقی تہٕ جٔدیٖد بُنیٲدی ڈھانچُک اکھ سنگ میل۔
سۄ ٲس بۄموارِ دۄہ ماڈل وقف سکولُک نٔوۍ تعمیر کرنہٕ آمٕتۍ گۄڈٕنِچ منزل تہٕ جدید امتحانی ہالُک افتتاح کرنہٕ پتہٕ چارار شریفس منٛز مُنعقد گژھن واجنہِ أکِس شاندار تقریبہِ منٛز تقریر کران۔ اتھ عمارتس پیٹھ ٲس توسیعچ کٲم پٔتمہٕ وریہٕ شروع گمژ۔
ڈاکٹر اندرابی ین وون پننہِ تقریرِ منز زِ چارار شریف، ییتہِ پیر نند رشی سٕنز روحٲنی برکت سٲرۍسٕے وادی منز پھہلِتھ چھِ، چھُ وقف چہ ترقی ہٕنزِ سرگرمین ہُند اکھ اہم مرکز روٗدمُت۔ تٔمۍ دِژ اطلاع زِ پٔتِمٮ۪ن ترٛٮ۪ن ؤرۍ یَن منٛز چھِ وقف بورڈَن اَتھ علاقَس منٛز واریاہ بٔڑ منصوبہٕ مُکمل کٔرمٕتۍ، یِمَن ہٕنٛز مقٲمی آبٲدی تعریف چھِ کٔرمٕژ۔
چیئرپرسن کوٚر یہ تہِ اعلان زِ جلدٕے یِن تمام وقف تعلیمی ادارن منٛز سمارٹ کلاس متعارف کرنہٕ، یُس جدید تعلیمی طریقن مطٲبق اکھ اہم قدم آسہِ۔ تٔمۍ ووٚن زِ وقف بورڈ چھُ گۄڈنیُک ادارَن منٛز قومی تعلیمی پالیسی نافذ کٔرمٕژ