22 جنوری تام چھُنہٕ کٔشیٖرِ منٛز موسمَس منٛز کانٛہہ بٔڑ تبدیلی متوقع.

محکمہ موسمیات چہِ پیشن گویی مُطٲبِق چھُنہٕ 22 جنوری تام وادی کشمیرَس منٛز موسمَس منٛز کانٛہہ بٔڑ تبدیلی امکان۔ تاہم چھُ یِنہٕ والٮ۪ن کینٛہَن دۄہَن منٛز وادی منٛز رٲژ ہِنٛدِس سردی منٛز ہُریرُک امکان۔ مُتعلقہٕ محکمٕکۍ ترجمانَن ووٚن زِ 7 پٮ۪ٹھٕ 15 جنؤری تام چھُ وادی ہُنٛد موسم کُنہِ حدس تام اوٚبُر روزنُک اِمکان۔ تِمَو ووٚن زِ پتہٕ روزِ 16 تہٕ 17 جنوری موسم عام طور اوٚبر، وادی ہٕنٛدٮ۪ن کینٛہَن حصن منٛز ہلکہٕ روٗد یا شیٖن پیٚنہٕ ممکن۔ تِمَو ووٚن زِ 20 جنوری ہیکہِ وادی ہُنٛد موسم عام طور اوٚبُر روزِتھ، وادی ہٕنٛدٮ۪ن کینژن پہٲڑی علاقن منٛز ہلکہٕ شیٖن پیٚنُک امکان چھُ۔ تِمَو ووٚن ووٚن زِ 21 تہٕ 22 جنوری چھُ وادی ہُنٛد موسم کُنہِ حدس تام اوٚبُر آسُن مگر عام طور خۄشٕک روزُن۔ پننِس ایڈوائزری منٛز ووٚن محکمَن زِ 10 جنوری تام چھُ وادی منٛز رٲژ ہِنٛدِس درجہٕ حرارتس منٛز نمایاں کمی ہُنٛد امکان، ییٚمہِ پتہٕ 1 پٮ۪ٹھٕ 2 ڈگری سیلسیس تام ہُریرُک امکان چھُ۔