حج 2026: حاجن ہُند گۄڈنیُک کاروان دراو جموں و کشمیر پٮ۪ٹھٕ،جموں و کشمیر پٮ۪ٹھٕ نیرن وٲلِس گۄڈنِکِس کاروانس منٛز چھِ 435 حاجی شٲمِل۔
جموں و کشمیر پٮ۪ٹھ 435 زائرین پٮ۪ٹھ مشتمل گۄڈنِکِس کاروانُک سفر چھُ شُروٗع گوٚمُت۔ مرکز زیر انتظام علاقہٕ پٮ۪ٹھٕ چھُ گۄڈٕنیُک کاروان حج ہاؤس پٮ۪ٹھٕ سرینگر بین الاقوٲمی ہوٲیی اڈٕ کُن روانہٕ گوٚمُت۔ تتہِ پیٹھٕ گژھن یم زائرین ترین خصوصی پروازو ذریعہٕ مدینہ کُن روانہٕ۔ گۄڈنِکِس کاروانس منٛز چھِ 234 مرد تہٕ 201 زنانہٕ زائرین شٲمِل۔ 145 زائرین نِنہٕ واجنہِ پرواز گژھِ دُپہرَس 12:20 بجہِ سرینگر پٮ۪ٹھٕ روانہٕ۔ شیڈول مُطٲبِق گَژھِ دوٚیِم پرواز دُپہرَس 2:15 بجہِ ییٚلہِ زَن ترٛیٚیِم پرواز دُپہرَس 3:15 بجہِ سرینگر پٮ۪ٹھٕ مدینہ منورہ کُن روانہٕ۔ حج ہاؤس بیمینہ پٮ۪ٹھٕ نیرن والٮ۪ن زائرین خٲطرٕ چھِ سرینگر ہوٲیی اڈَس پٮ۪ٹھ تمام اِنتِظام کرنہٕ آمٕتۍ۔ زائرین ہُنٛد سامانہٕ چیک کرنہٕ باپتھ چھِ حج ہاؤسَس منٛز چیک اِن کاؤنٹر قٲیم کرنہٕ آمٕتۍ۔ یِتھے پٲٹھۍ چھُ بین الاقوٲمی ہوٲیی اڈَس پٮ۪ٹھ احرام لاگنہٕ باپتھ الگ الگ علاقن ہُنٛد انتظام کرنہٕ آمُت۔ بَٹہٕ وارِ دۄہ صُبحٲے وٲتۍ حاجیَن سۭتۍ تِہنٛدِ ہتہٕ بٔدۍ رشتہٕ دار تہِ۔