*431 حاجن ہُند گۄڈنیُک بیچ دراو جموں و کشمیر پیٹھٕ وزیر اعلیٰ عمرعبداللہ ہن کری ہوٲیی اڈہ پیٹھ روانہ*

سری نگر، 18 اپریل: جموں و کشمیر پیٹھٕ 431 حاجن ہٕنٛز گۄڈنِچ کھیپ گٔیہِ بَٹہٕ وارِ دۄہ سعودی عرب کُن روانہٕ۔ حُکامَن ووٚن زِ وزیر اعلیٰ عمر عبداللہ ہَن دِژ تِم یتہِ ہَوٲیی اڈَس پیٹھ۔تِمَو ووٚن زِ زائرین یِمَن منٛز 230 مرد تہٕ 201 زنانہٕ شٲمِل چھِ، ترٛٮ۪ن پروازَن منٛز دراو ۔حکامَو ووٚن زِ نقل و حمل، سامانہٕ سنبھالنہٕ تہٕ دستاویزات دِنہٕ خٲطرٕ چھِ بیمینا کِس حاج ہاؤسَس منٛز آسان روانگی ہٕنٛز عمل یقینی بناونہٕ خٲطرٕ تمام ضروری انتظامات کرنہٕ آمٕتۍ۔حاجَن ہٕنٛدِ ہتہٕ بٔدۍ نفر گٔیہِ حاجَس نٮ۪برٕ کٔنۍ تِمن الوداع کرنہٕ خٲطرٕ جمع۔ییٚمہِ ؤرۍ یہِ کَرِ جموں و کشمیرٕک کُل 4,764 زائرین زیارت ۔تٔمۍ سٕنٛدِ دفترَن ووٚن زِ وزیر اعلیٰ کٔر شیخ العالم بین الاقوٲمی ہوٲیی اڈَس پیٹھ حج 2026 ہٕنٛز گۄڈٕنِچ کھیپ رخصت۔