امرناتھ یاتری گژھن بازرن ہنز پھیرکرٕنۍ، کٔشِیرِ ہنٛز اقْتِصٲدِیَت میوٚل گژِھہ بَڈھاونہٕ یُن:وزیر اعلیٰ عمر عبداللہ
وزیر اعلیٰ عمر عبداللہن ووُن ہَفتہ دۄہ زِ امرناتھ یاتری گژھن گاڑیو منٛز نیبر نؠرنہِ تہِ مقامی بازارن ہنز پھیری کرنہ دِن تاکہ تِم کٔشِیرِ ہنٛز اَقْتِصادِیَت (اِکانومی) منز پَنُن حِصہ دِتھ سَکن۔
نامہ نگارن سِتہ کَتھ باتھ کران، سی ایم عمرن ووُن زِ تٔمس چھِ اُمید زِ بٔڈِس تعدادس منز عقیدت مند ییَن، سَہل دَرشن کٔرِتھ پَسَلامَت گھر دَلان واپس گژھن۔
تٔمس ووُن زِ منتخب حُکومتن چھِ پَنِہ حَدس منز تَمام اِنتِظامات کٔرِتھ تھۄومِت، ییٚلہِ زِ سُورَکْشا (سیکورٹی)، اَمن وامان تہِ شری امرناتھ جی شرائن بورڈَس سِتہ وابَستہ اِنتِظامات چھِ مُتعلقہ اؠجنسیہُنٛد کٲم۔
تٔمس کٔر یاتریَن نِش اَپیل زِ تِم کٔشِیرِ منز پَائیدار اَمن، بَاہَمی اِتِحاد تہِ جۆم و کٔشِیرِ ہنٛز فلاح و بَہبود خٲطرہ دُعا کَرن۔
وزیراعظم نریندر مودی سٕنٛز اَپیل یَتھ منز تٔمس یاتریَن سِتہ کٔشِیرِ منز پَنِہ سَفَر بَجٹُک ۱۰ فیصد خَرچ کَرنُک ووُنُتھ، عمرن ووُن یہِ چھُ اکھ خوش آئند قَدم یَتھ سِتہ مَقامی اَقْتِصادِیَتَس فایدہ مِلِ۔
"یاتری گژھن گاڑیو منز نیبر نؠرنہِ تہِ مَقامی بازارن ہنٛز پھیری کرنہ دِن۔ نَتہ کِتھ کَن کَرن تِم پونصہ خَرچ؟”
تٔمس ووُن زِ یاتریَن گاڑیو منز مَحدود تھَونہ سِتہ مَقامی اَقْتِصادِیَتَس منز حِصہ دِنس منز رُکاوَٹ چھِ یِوان۔