ای او ڈبلیو کشمیر نے ۶۰ لاکھ روپے ہند بینک لون دھوکہ دہی معاملس منز فائل کٔر چارج شیٹ

اکانامک آفینسز ونگ (EOW) کشمیرن کٔر اتھوار دۄہ پینژن ملزمانن خلاف ۶۰ لاکھ روپین ہند بینک لون دھوکہ دہی سان حاصل کرنہٕ کِس معاملس منز چارج شیٹ دائر۔ یہِ کاروائی جموں اینڈ کشمیر بینک (J&K Bank) ہنزِ اکھ شکایتی پیتھ تحقیقات کرنہٕ پتہٕ عملس منز آو۔ جاری کٔرمتِس اکی بیانس منز ترجمانن وون زِ کرائم برانچ جے کے ہنزِ اکانامک آفینسز ونگ (EOW) کشمیرن کٔر ایف آئی آر نمبر 05/2019 تحت دفعات 420، 467، 468، 471 تہٕ 120-B RPC تحت چیف جوڈیشل مجسٹریٹ (CJM) سرینگر ہنزِ عدالتس منز چارج شیٹ پیش۔یہِ چارج شیٹ آو شیخ سمیع اللہ، عبدالاحد بھٹ، غلام نبی بقال، مشتاق احمد صوفی تہٕ سرتاج احمد حکیمس خلاف دائر کرنہٕ۔ یمن پیتھ الزام چھُ زِ یمن مکر تہٕ جیوٗٹی ریونیو (مالیاتی) ریکارڈ تہٕ جیوٗٹی جائیداد ہندِ کاغذات اِستعمال کٔرتھ بینک لون حاصل کٔرمژ۔ترجمانن وون زِ تحقیقات اوس جے کے بینک ہنزِ اکھ شکایتی پتہٕ شروع کرنہٕ آمُت، یتھ منز الزام اوس زِ ملزمانو اوس ۲۰۰۷ عیسویس منز بینک کس زینہ کوٹ برانچس منزہ ۳۰ لاکھ روپین ہند ٹرم لون تہٕ ریزیڈنسی روڈ برانچس منزہ ۳۰ لاکھ روپین ہند کیش کریڈٹ (CC) فیسلٹی جیوٗٹی کاغذاتن پیتھ جائیداد رہن (Mortgage) تھوِتھ حاصل کٔرمت۔بَیانَس منز مزید وونہٕ آو زِ لون ننہٕ پتہٕ کٔر یمو ڈیفالٹ (پونہٕ واپس نہٕ دیُن) تہٕ ریونیو حکامو طرفہٕ کرنہٕ آمژِ تصدیقہِ منز سابت سپُد زِ رہن نامہٕ تہٕ ریونیو ریکارڈ اوس جیوٗٹی۔ تحقیقاتس منز سپُد یہِ واضح زِ ملزمانو، یمن ہندِ اغواہ شیخ سمیع اللہ اوس، کٔر بینک دھوکہ دینہٕ تہٕ لون رقم ہڑپ کرنہٕ خٲطرہ اکھ سازش۔ای او ڈبلیو کشمیرن چُھ عام عوامس ہشیار رہنےٕ تہٕ اِتھین معاشی دھوکہ دہی معاملن ہنز رپورٹ ایس ایس پی، ای او ڈبلیو کشمیر، کرائم برانچ جے کے ہس دِینہٕ ہنز اپیل کٔرمژ۔ متاثرہ لوٗکھ ہکن پنژِ شکایت اِی میل سورس sspeow-kmr@jkpolice.gov.in پیتھ تہِ دائر کٔرتھ۔