درُس ملکس سٍتۍ سٍتۍ سپٕزراتھ 80تِمہِ یومِ آزٲدی ہٕنٛدِس موقعس پٮ۪ٹھ جموں کشمیرس منٛز تہِکٔہیا تقریبہٕ منعقد۔

درُس ملکس سٍتۍ سٍتۍ سپٕز جموں کشمیرس منٛز تہِ راتھ 80تِمہِ یومِ آزٲدی ہٕنٛدِس موقعس پٮ۪ٹھ کٔہیا تقریبہٕ منعقد۔ یِمن منٛز قومی جھنڈٕ لٔہراونہٕ آو۔ ساروُے کھۅتہٕ بٔڈ تقریب سپٕز سرینگرٕ کِس بخشی سٹیڈیمس منٛز منعقد ییٚتہِ وزیر اعلیٰ عمر عبداللہ ہن قومی جھنڈٕ لٔہروو تہٕ رٔٹٕکھ مارچ پاسٹس پٮ۪ٹھ سلٲمۍ۔ ییٚلہِ زَن جوٚمہِ کِس مولانا آزاد سٹیڈیمس منٛز نٲیب وزیر اعلیٰ سُریندرچودھری ین قومی جھنڈٕ لٔہروو تہٕ رٕٹٕکھ مارچ پاسٹس پٮ۪ٹھ سلٲمۍ۔یِژھے ہِشہِ تقریبہٕ سپدییہِ یوٹی ہٕنٛدٮ۪ن تمام ضلعن منٛز تہِ منعقد۔ امہِ علاوٕ آو تحصیل سوٚتھرس تہٕ کینژھن دفترن منٛز تہِ قومی جھنڈٕ لٔہراونہٕ۔