دچھن کشتواڑ سڑک حٲدثہٕ: چِنابَس منٛز  سکارپِیُو گٲڑۍ  ڈُبِتھ گژھنہٕ کِنۍ5 نفر ہلاک ۔

جموں و کشمیر کِشتواڑ ضِلعہٕ کِس دچھن علاقَس منٛز گوٚو از اکھ حٲران کُن سڑک حٲدِثہٕ، یَتھ منٛز اکھ مٔہِنٛدرٛا سکارپیو سڑکہِ پٮ۪ٹھہٕ  بۅن گٔژِھتھ چناب دٔریاوَس منٛز پیٚیہِ۔ وُنیُک تام چھِ حٲدثَس منٛز پانٛژھ نفرَن ہٕنٛدِ مرنٕچ تصدیق سپٕزمٕژ، ییٚلہِ زن پولیس تہٕ مقٲمی لوٗکَن ہِنٛدِ طرفہٕ بچاو کاروٲیی جٲرِی چھےٚ۔ اہلِکارَو مُطٲبِق گوٚو یہِ حٲدِثہٕ تَمہِ وِزِ ییٚلہِ یہِ گٲڑۍ یانوان ڈِنگدارو پٮ۪ٹھٕ ساوندر کُن ٲس گَژھان۔ وَتہِ گٔے یہِ گٲڑۍقوبوُ نیبر تہٕ گٔیہِ چناب دٔریاوَس منٛز۔ ییٚلہِ یہِ خبر حُکامَن تام وٲژ زِ  تمہِ پتہٕ کٔرأکۍ پولیس ٹیمن تہٕ مُقٲمی لُکو واقعہٕ جایہِ پیٹھ وٲتِتھ فوری طور بچاو کاروٲیی شُروٗع۔ أکۍ افسَرن ووٚن زِ حادثہٕ چہِ جایہِ پٮ۪ٹھٕ چھِ وُنیُک تام پانٛژھ لاشہٕ برآمد کرنہٕ آمژٕ مگر گاڑِ منٛز سوار لوٗکَن ہُنٛد کُل تعداد چھُنہٕ وُنہِ تہِ پے۔ پولیسَن چھُ واقعہُک نوٹس نِیومُت تہٕ چھُکھ تفتیش شُروٗع کوٚرمُت، ییٚلہِ زن بچاو تہٕ بازیافت ہٕنٛز کاروٲیی جٲری چھےٚ۔