سرینگر-جموں شاہراہَس پٮ۪ٹھ بس پلٹنہٕ سٍتی33 مسافر زخمی، دۄن ہٕنٛز حالت تشویشناک ۔
جموں و کشمیر کِس رامبان ضِلعس منٛز سپٕدۍ از أکِس دِلدوزسڑک حٲدِثس منٛز تقریباً ترےٚ درجن نفر زخمی۔ حُکامَو مُطٲبِق گوٚو یہِ حٲدِثہٕ سرینگر-جموں قومی شاہراہَس (این ایچ-44) پٮ۪ٹھ کیلا مور، ٹنل ٹی 2وس نزدیٖک تَمہِ وِزِ ییٚلہِ سرینگر پٮ۪ٹھٕ جموں گَژھن والٮ۪و مسافرَو سۭتۍ بٔرِتھ اکھ سلیپر بس پلٹے، ییٚمہِ کِس نٔتیٖجس منٛز کم از کم 33 مُسافِر زخمی گٔے۔ حکامَو ووٚن زِ یہِ حٲدِثہٕ گوٚو صبحٲے 11:30 بجہِ تہٕ گاڑِ منٛزٲسۍ لَگ بَگ 60 نفرسَوارِ۔ حٲدِثہٕ پتہٕ کٔر جل پُلیٖس تہٕ مقٲمی رضاکار تنظیٖم ٹیٖمَو بچاو کاروٲیی شُروٗع تہٕ کٔڑِکھ بسہِ منٛزپٔھسِتھ مُسافِر محفوٗظ طٔریٖقہٕ تہٕ تمام زخمی مُسافِر آے اِبتِدٲیی علاج باپتھ ضِلعہٕ ہسپتال رامبن منتقٕل کرنہٕ یِمن منٛز دۅن ہٕنٛز حالت تشویشناک وننہٕ یِوان چھےٚ۔