کٔشیٖرِ مَنٛز کیازِ چھِ 8 فیصد تہٕ جمومَس مَنٛز92 فیصدEWS سرٹِفکیٹہٕ کیازِ؟ ایم ایل اے سجاد غنی لون سٕنٛز ‘غربت کہِ یکساں معیارٕچ’ منٛگ۔

پیپلز کانفرنسُک (پی سی) صدر تہٕ ہندوارہ پٮ۪ٹھٕ منتخب ایم ایل اے سجاد غنی لونَن تُل جموں و کشمیر قونوٗن ساز اسمبلی کِہ ٲخٕری دۄہ دۄہ اقتصٲدی طور کمزور سیکشن (ای ڈبلیو ایس) سرٹیفکیٹ جٲری کرنَس منٛز علاقٲیی تفاوتُک مسلہٕ تہٕ کوٚرُن حکوٗمتَس پوٗرٕ جموں و کشمیرَس منٛز غربتُک تعین کرنہٕ خٲطرٕ یکساں پالیسی اختیار کرنُک مُطالبہٕ۔

سرینگرَس منٛز 10 دۄہَن ہٕنٛدِس ہرٕدی اسمبلی اجلاس کہِ ٲخری دۄہ تُل سجاد لونَن یہِ معاملہٕ أکِس ‘توجہٕ تحریٖک’ ذٔریعہٕ تہٕ وونُن زِ کٔشیٖرِ منٛز چھِ تقریباً 37 لَچھ انتیودیا انا یوجنا (اے اے وائی) تہٕ غریبی لٲنہِ بۄن (بی پی ایل) راشن کارڈ، ییٚلہِ زَن جوٚمَس منٛز چھِ یہِ تعداد تقریباً 29 لَچھ چھےٚ۔ سرکٲرۍ اعداد و شمارُک حوالہٕ دِتھ ووٚن تٔمۍ زِ ‘جوٚمَس منٛز چھِ 24,000 ای ڈبلیو سرٹیفکیٹ جٲری کرنہٕ آمٕژ، ییٚلہِ زَن وادی کٔشیٖرِ منٛز اوس یہِ تعداد صِرِف 2,400 کھۄتہٕ زیادٕ۔ تَوَے آیہِ تقریباً 92 فیصد ای ڈبلیو سرٹیفکیٹ جوٚمَس منٛز جٲری کرنہٕ، ییٚلہِ زَن کٔشیٖرِ منٛز صِرِف 8 فیٖصد آیہِ جٲری کرنہٕ’۔

سجاد لونَن ووٚن زِ تمام سمٲجی حالات چھِ ہِوۍ، مگر مسلہٕ چھُ EWS اثاثن ہٕنٛدِس معیارَس منٛز۔