ایم ایل اے پہلگام الطاف احمد وانی سُنٛد پی ایس اوَس سۭتۍ مبینہٕ تصادمَس پٮ۪ٹھ موقفَ الزامَن تردید۔

جموں و کشمیر نیشنل کانفرنسُک سینئر رہنُما تہٕ پہلگام حلقُک قونوٗن ساز اسمبلی ہُنٛد رُکُن، الطاف احمد وانی یُس الطاف کلو ناوٕ تہِ زاننہٕ چھُ یِوان، چھےٚ پننِس پرسنل سیکیورٹی افسرَس سۭتۍ مُبیعنہٕ تصادمَس منٛز الزامو نِش تردید کٔرمٕژ زِ أمِس ٲس نہٕ پننِس پرسنل سیکرٹریَس سۭتۍ کانٛہہ لڑٲے۔ الطاف احمد وانی چھُ پہلگام حلقُک موجودٕ ایم ایل اے یُس جموں و کشمیر نیشنل کانفرنسٕچ نُمٲینٛدگی کران چھُ۔

پننِس بیانَس منٛز ووٚن ایم ایل اے یَن زِ أمۍ سُنٛد پرسنل سیکرٹری اوس تقریباً ترٛیٚیو دۄہَو پٮ۪ٹھ غٲر حٲضِر، تہٕ تٔمۍ ٲس گۄڈَے ایس ایس پی سیکیورٹی منٛز اتھ مُتعلِق شِکایت کٔرمٕژ۔ أمۍ سٕنٛدِ مُطٲبِق چھُ اَتھ تناظرَس منٛز أمۍ سٕنٛدِ تفویض کرنہٕ آمٕتۍ پی ایس اوَن مُبینہٕ پٲٹھۍ أمۍ سُنٛد کالر روٚٹمُت، مگر تٔمِس ٲس نہٕ پی ایس اوَس سۭتۍ کانٛہہ جِسمٲنی لڑٲے۔ الطاف احمد وانی یَن کوٚر واضح زِ تٔمِس خٕلاف الزام چھِنہٕ پٔزۍ تہٕ سُہ کرِ پننِس پی ایس اوَس خلاف تہِ ایف آئی آر درٕج۔