نندی مرگہِ منٛزہاپت حملہٕ،2 زَنانو سان 4 نَفر زخمی۔
جٔنوٗبی کٔشیٖرِ ہٕنٛدِس شوپیان ضِلعَس منٛز دَمَل ہانجی پورہ کِس نندی مرگہِ علاقَس منٛزسپٕدۍ ہاپتہٕ سٕنٛدِس حملَس منٛز زٕ زَنانَن ہٮ۪تھ ژور نَفر شٔدیٖد زخمی، ییٚمہِ سۭتۍ سٲرِسٕے علاقَس منٛز افراتفری پٲدٕ سپٕزمٕژ چھےٚ۔
اہلِکارو مُطٲبِق کوٚر أکۍ جنگلی ہاپتن نندی مرگہِ منٛز اچانک لُکن پٮ۪ٹھ حملہٕ یَتھ منٛز زٕ مرد تہٕ زٕ زنانہٕ زخمی گٔیہِ۔ زخمیَن ہٕنٛز شناخت چھےٚ 60ؤرِش شفیق بانو، 50ؤرِش عائشہ بانو، محمد اقبال بٹ تہٕ عبدالسلام ناوٕ سۭتۍ کرنہٕ آمٕژ، یِم وننہٕ چھِ یِوان زِ تِم چھِ سی آر پوراہٕکۍ روزَن وٲلۍ۔
واقعہٕ پتہٕ آے تمام زخمی علاج باپتھ نزدیٖکی ہسپتال نِنہٕ، ییٚتہِ تِمن علاج چلان چُھ ۔ طبی ذرایعہن ہُنٛد ونُن چھُ زِ حملَس منٛز زخمی گژھن واجٮ۪ن دۄن زَنانَن ہٕنٛز حالت چھےٚ تشویشناک، ییٚلہِ زَن دۄشوٕے مرد چھِ وُنکیٚس مستحکم وننہٕ یِوان۔
أتھۍ دوران، ییٚلہِ تِمَن واقعٕچ خبر وٲتۍ، وائلڈ لائف ڈیپارٹمنٹٕچ ٹیٖم وٲتۍ علاقَس منٛز تہٕ کوٚرُکھ ہاپتہٕ سُنٛد پے لگاونہٕ تہٕ سُہ قوبوٗ کرنہٕ خٲطرٕ آپریشن شُروٗع.