سنٹرل یوٗنیورسٹی کشمیر پروفیسرأکِس طالبہِ علمَس سۭتۍ بد عملی ہٕنٛدِس الزامَس منٛز معطل ۔

طٲلبہِ عٔلِمن ہِنٛدِس احتجاجَس دوران آو سینٹرل یوٗنیورسٹی کشمیرُک اکھ ایسوسی ایٹ پروفیسر أکِس طالبہِ علمَس سۭتۍ نامُنٲسِب تبصرٕ کرنہٕ کِس الزامَس منٛز أمۍ سٕنٛدِ عہدٕ پٮ۪ٹھ ہٹاونہٕ۔ مُلزِم سٕنٛز شناخت چھِ ڈاکٹر چنپن بھاسکر ناوٕ سۭتۍ کرنہٕ آمٕژ، یُس اکھ ایسوسی ایٹ پروفیسر تہٕ یونیورسٹی ہٕنٛدِ کیمسٹری شعبُک سربراہ چھُ۔

ازسپٕدۍ ہتہٕ بٔدۍ زنانہٕ طالبہِ علم گندر بل ضِلعہٕ کِس یونیورسٹی کیمپسَس منٛز جمع تہٕ کوٚرُکھ پروفیسرَس پٮ۪ٹھ کلاسَس منٛز زنانہٕ طالبہِ علمَن خلاف بار بار نامُنٲسِب تبصرٕ کرنُک الزام عٲیِد۔ صورتحال گٔیہِ تَمہِ وِزِ حدٕ نیٚبر ییٚلہِ تٔمۍ أکِس طالبہِ علم سٕنٛزِ شکلہِ مُتعلِق قابل اعتراض تبصرٕ کوٚر تہٕ تٔمِس أکِس ڈیٹس پیٹھ پرژھُن۔

سنٹرل یونیورسٹی کشمیرٕکۍ رجسٹرار ڈاکٹر نثار احمد میرَن ووٚن زِ مُلزِم چھُ کیمسٹری شعبٕکۍ سربراہ سٕنٛدِ حیثیتہٕ تمام محکمٲتی ذمہ داریو نِش فوری طورمعطل کرنہٕ آمُت۔ تٔمۍ ووٚن زِ کُنہِ تہِ جنسی ہراساں کرنہٕ کِس معاملَس منٛز یِیہِ مُنٲسِب کاروٲیی کرنہٕ۔ أکِس عبوری اِقدام رٔنٛگۍ چھِ یونیورسٹی کیمسٹری شعبس منٛز انتظامات کٔرۍمٕتۍ۔