کۅلگام پولیسٕچ منشیاتن خٕلاف کاروٲیِی، قاضی گنٛڈَس منٛز آیہِ کوڈیٖنٕچ 25 بوتلہٕ برآمد، 2 نَفر گِرِفتار۔

جنوٗبی کشمیر کِس کلگام ضِلعَس منٛز چھِ غٲر قونوٗنی نشاور ادوِیاتٕچ غٲر قونوٗنی اسمگلِنگ خٕلاف کاروٲیی کران پُلسن قاضی گنٛڈٕ پٮ۪ٹھٕ زٕ نَفر گِرِفتار تہٕ یِمَن نِش کٔرِکھ کوڈیٖنٕچ 25 بوتلہٕ ضبط۔ پُلسہٕ مُطٲبِق مِلیوٚو ممنوعہ نشہ آور دوا تہٕ نفسیٲتی مادن ہِنٛزِ غٲر قونوٗنی نقل و حملَس خٕلاف جٲری مُہِمَس تحت کُلگام پُلسَس قٲبلِ معلوٗمات ۔ اَمہِ معلوٗماتَس پٮ۪ٹھ عمل کٔرِتھ کوٚر أکہِ پولیس ٹیٖمَن قاضی گُنٛڈ کِس چوئیمولا علاقَس منٛز قومی شاہراہَس پٮ۪ٹھ اکھ چوکی قٲیِم۔ چیک پوسٹَس دوران آیہِ جموں پٮ۪ٹھٕ میر بازرَس کُن یِنہٕ واجنہِ اکھ نیوٗل وولکس ویگن پولو گاڑِ (نمبر JK03D-7723) رُکاونہٕ تہٕ تلٲشی کٔرمٕژ۔ تلٲشی دوران آیہ گاڑِ منٛز أکِس کرٛہنہِ ٹھیلہٕ منٛزٕ کوڈیٖنٕچ 25 بوتلہٕ برآمد کٔرمٕژ، یِمَن منٛز پرٛٮ۪تھ أکِس منٛز 100 ملی لیٹر کوڈین اوس۔ ممنوعہ مادٕچ وصولی پتہٕ آیہ این ڈی پی ایس ایکٹس تحت دفعات استعمال کرنہٕ۔