جموں کشمیرس منٛزتوانٲیی پوچھر دِنہٕ باپتھ چھےٚ سٹی گیس ڈسٹری بیوشن پالیسی 2026 نٲفذ۔وزیر اعلیٰ عمر عبداللہ سٕنٛدِ طرفہٕ یہِ اکھ اہم قدم قرار۔

جموں کشمیرس منٛز صاف تہٕ قٲبلِ اعتماد توانٲیی پوچھر دِنہٕ باپتھ چھےٚ سٹی گیس ڈسٹری بیوشن پالیسی 2026 نٲفذ کرنہٕ آمٕژ۔ وزیر اعلیٰ عمر عبداللہ ہن دِژ یہِ پالیسی صاف ایندھنس تام واتناونہٕ ،صنعتی مسابقت مضبوط بناونہٕ تہٕ خطُک توانٲیی ڈھانٛچہٕ نٔویٖنہٕ بناوُن اکھ اہم قدم قرار۔تِمو ووٚن زِ یہِ پالیسی کرِ صنعت تہٕ سرمایہٕ کٲرِی باپتھ سازگار ماحول پٲدٕ تہٕ جموں کشمیر کِس صاف ،کارگر تہٕ پایدار توانٲیی تٲمیٖر کرنس منٛز تہِ کرِاکھ اہم رول ادا ۔پالیسی تحت یِیہِ جموں کشمیر کٮ۪ن تمام 20 ہن ضلعن منٛز مرحلہٕ وار طریقہٕ پی این جی تہٕ سی این جی نیٹ ورک قٲیِم کرنہٕ۔ییٚلہِ زن گھریلو تجارتی صنعتی تہٕ ٹرانسپورٹ شعبن گیس فراہم کرنہٕ یِیہِ۔پالیسی تحت چُھ سِنگل وِنڈو سسٹم تہٕ مقرر وقتس منٛز منظوری ہُنٛد نظام بدِ کڈنہٕ آمُت۔ییٚلہِ زن کھٹوعہ،سانبہ تہٕ پلوامہِ کٮ۪ن بڈٮ۪ن صنعتی علاقن منٛز ترجیحی گیس کنیکشن فراہم کرنہٕ یِن۔