ہجومی تشدُد چھُ ملکٕکِس ڈٮ۪کَس پٮ۪ٹھ اکھ بدنُما داغ: ڈاکٹر ایوب سرجن

کتھ ٲییٖنَس تحت چھِ سٲرِسٕے مُلکَس منٛز نام نہاد ‘گاؤ رکشک’ بےٚ روک تراونہٕ آمٕتۍ تہٕ یِم شرپسند چھِ ہجومی تشددَس منٛز کھُلہٕ پٲٹھۍ ملوث آسان، کُس چھُ یِمَن حوصلہٕ اَفزٲیی کران تہٕ یِہُنٛد محافظ کُس چھُ؟ یہِ چھُنہٕ کٲنٛسہِ نِش ژوٗرِتھ، یِژھ انتہاپسندی چھِ مُلکہٕ کِس ڈٮ۪کَس پٮ۪ٹھ داغ، پیس پارٹی ہٕنٛدۍ قومی صدر ڈاکٹر ایوب سرجنَن کٔر ہجومی تشدد کِس واقعٕچ سخٕت مذمت تہٕ کوٚرُن یِمَن خیالن ہُنٛد اِظہار۔ڈاکٹر ایوب سرجنَن ووٚن زِ مُلکہٕ کٮ۪ن واریٛاہَن صوبَن منٛز، خاص طور پٲٹھۍ بی جے پی زیر اقتدار صوبَن منٛز چھِ غٲر سماجی عناصرَو ‘گو رکشا’ کِس ناوس پٮ۪ٹھ اکھ رسمی تنظیم بنٲومٕژ تہٕ اَمہِ کِس آڑَس منٛز، ییٚتہِ غٲر قونوٗنی وصولی ہُنٛد کھیل جٲری چھُ، مُسلمانَن نشانہٕ بنٲوِتھ چھِ مُلکَس منٛز بدامنی پٲدٕ کرنٕچ کوٗشش یِوان کرنہٕ، تہٕ تِمَن چھِنہٕ کاروٲیی یِوان کرنہٕ، تہٕ نہ چھِ بلڈوزر تِہنٛدٮ۪ن گھرن منٛز چلاونہٕ یِوان۔ سوال چُھ یہٕ زِ کیازِ؟ ییٚلہِ شرپسند پانَے فٲصلہٕ کرُن شروٗع کران چھِ، مُلکَس تہٕ صوبَن منٛز کِتھ کٔنۍ ہٮ۪کہِ امن و امان برقرار تھٲوِتھ؟