جموں و کشمیر اِلیکشن: صبحٲے 9 بجے تام 11.6 فیصد ووٹنگ۔

جموں و کشمیر اسمبلی انتخاباتَن ہٕنٛدِ ترٛیٚیِمہِ تہٕ ٲخری مرحلہٕ خٲطرٕ چھِ سَتن ضِلعن منٛز پھہلِتھ 40 سیٹَن پٮ۪ٹھ پُر امن تہٕ پُر امن پٲٹھۍ پولنگ جٲری۔
سرکٲرِ ذٔرایعن ووٚن زِ پولنگ کٮ۪ن گۄڈنِکٮ۪ن دۄن گٲنٛٹن دوران آو کُل 11.6 فیٖصد ووٹنگ درٕج کرنہٕ۔
تٔمۍ ووٚن زِ باندی ضلعس منٛز چھِ 11.64 فیصد، بارہمولہ ضلعس منٛز 8.89 فیصد، جموں ضلعس منٛز 11.46 فیصد، کٹھوعہ ضلعس منٛز 13.09 فیصد، کپواڑہ ضلعس منٛز 11.27 فیصد، سانبا ضلعس منٛز 13.31 فیصد تہٕ اُدھم پور ضلعس منٛز 14.23 فیصد ریکارڈ کرنہٕ آمُت۔
سرکٲرِ ذٔرایعو ووٚن زِ تمام 5,060 پولنگ سٹیشنَن پٮ۪ٹھ گٔیہِ صبحٲے 7 بجہِ پولنگ شُروٗع۔
تٔمۍ ووٚن زِ صُبحٲے پٮ۪ٹھٕ آیہِ پولنگ سٹیشنَن پٮ۪ٹھ ووٹرَن ہٕنٛز زیٖٹھۍ لٲنہٕ وُچھنہٕ۔
اسمبلی اِنتِخابات کِس ٲخٕری مرحلہٕ خٲطرٕ چھِ ووٹرن ہُنٛد کُل تعداد 39 لچھ 18 ساس 222 یِمو منٛزٕ 20 لچھ 933 مرد تہٕ 19 لچھ 9 ساس 130 زنانہٕ ووٹر شٲمِل چھِ۔
حُکامو چھِ ووٹرَن باپتھ سَتن ضِلعن منٛز کُل 5,060 پولنگ سٹیشن قٲیِم کٔرمٕتۍ۔