جموں و کشمیر اِلیکشن: دُپہرَس 1 بجہِ تام 44.08 فیصد ووٹنگ۔

یکم اکتوبر (یو این آئی) جموں و کشمیر اسمبلی انتخابات کِس ترٛیمِس تہٕ ٲخری مرحلہٕ خٲطرٕ چھِ ستن ضِلعن منٛز پھہلِتھ 40 نشستن پٮ۪ٹھ پرامن تہٕ آسانی سان پولنگ جٲری، سرکٲرۍ ذٔریعن ووٚن زِ بارہمولہ ضلعس منٛز دُپہرَس 1 بجے تام 36.60 فیصد، جموں ضلعس منٛز 43.36 فیصد، کٹھوعہ ضلعس منٛز 50.09 فیصد، سانبا ضلعس منٛز 49.73 فیصد پولنگ گٔیہِ۔ اُدھم ضِلعس منٛز آو 51.66 فیٖصد درٕج کرنہٕ۔
سرکٲرِ ذٔرایعو ووٚن زِ تمام 5,060 پولنگ سٹیشنَن پٮ۪ٹھ گٔیہِ صبحٲے 7 بجہِ پولنگ شُروٗع۔

تٔمۍ ووٚن زِ صُبحٲے پٮ۪ٹھٕ آیہِ پولنگ سٹیشنَن پٮ۪ٹھ ووٹرَن ہٕنٛز زیٖٹھۍ لٲنہٕ وُچھنہٕ۔

اسمبلی اِنتِخابات کِس ٲخٕری مرحلہٕ خٲطرٕ چھِ ووٹرن ہُنٛد کُل تعداد 39 لچھ 18 ساس 222 یِمو منٛزٕ 20 لچھ 933 مرد تہٕ 19 لچھ 9 ساس 130 زنانہٕ ووٹر شٲمِل چھِ۔
حُکامو چھِ ووٹرَن باپتھ سَتن ضِلعن منٛز کُل 5,060 پولنگ سٹیشن قٲیِم کٔرمٕتۍ۔