وزیر اعظم مودیَن کوٚر مہاتما گاندھی تہٕ شاستری یِہنٛدِس زایہِ دۄہَس پٮ۪ٹھ خراج تحسین پیش۔
/ؤزیٖر اعظم نریندر مودِین کوٚر بۄدوارِ دۄہ بابائے قوم مہاتما گاندھی تہٕ سٲبقہٕ ؤزیٖر اعظم لال بہادُر شاستری یِہنٛدِس زایہِ دۄہس پٮ۪ٹھ خراج تحسین پیش ۔
تٔمۍ ووٚن سوشل میڈیا ایکس یَس پٮ۪ٹھ أکِس پوسٹَس منٛز زِ "تمام ملکَن ہٕنٛدِ طرفہٕ چھِ أسۍ بابائے قوم تٔمۍ سٕنٛدِس زایہِ دۄہَس پٮ۪ٹھ خراج تحسین پیش کران”۔ تٔمۍ سٕنٛز زِنٛدگی تہٕ سچائی، ہم آہنگی تہٕ مساواتَس پٮ۪ٹھ مبنی نظریات روزِ ہمیشہٕ ملکَن خٲطرٕ اکھ مشعل رُن۔”
دوٚیمِس پوسٹَس منٛز ووٚن مسٹر مودیَن زِ "سٲبقہٕ ؤزیٖر اعظم لال بہادُر شاستری جی یَس چھُ تٔمۍ سٕنٛدِس زایہِ دۄہَس پٮ۪ٹھ خراج تحسین پیش کران، ییٚمۍ پنٕنۍ زِنٛدٕگی مُلکٕک فوجین، کٔمِلین تہٕ عزت نفسَس خٲطرٕ وقف کٔر۔