پی آٮٔی بی سرینگرَن کوٚر میڈیا تہٕ حکوٗمتَس درمیان کَتھ باتھ مضبوٗط کرنہٕ خٲطرٕ ‘وارتا’ ناوٕ سۭتۍ اکہ ورکشاپُک اہتمام ۔

پریس انفارمیشن بیورو (پی آئی بی)، حکومت ہند، سری نگرن کوٚر ‘وارتا’ ناوٕ سۭتۍ اکھ میڈیا ورکشاپ منعقد ییٚمیُک مقصد میڈیا تہٕ سرکٲری ادارن درمیان تعمیری تعلقاتن فروغ دیُن اوس۔ اتھ تقریبس منٛز ٲسۍ پرنٹ، الیکٹرانک، تہٕ ڈیجیٹل پلیٹ فارمن ہٕنٛدۍ سینئر صحافی تہٕ میڈیاہس سۭتۍ وابستہٕ پیشہٕ ور صحافیو شرکت کٔرمٕژ، یِمو بدلوٕنۍ میڈیا لینڈ سکیپ، ذمہٕ دارانہٕ صحافت، تہٕ عوٲمی فلاحی سکیمَن ہٕنٛز موثر مواصلاتَس پٮ۪ٹھ کھلہٕ پٲٹھۍ بَحَژ کٔر۔ ورکشاپُک افتتاح کوٚر محکمہٕ انفارمیشن اینڈ پبلک ریلیشنز (ڈی آئی پی آر) جموں و کشمیرُک ڈائریکٹر جناب نیتیش راجوراہَن یُس بطورِ مہمان خصوصی موجود اوس۔ اَتھ موقعَس پٮ۪ٹھ اوس پی آٮٔی بی سرینگرُک ڈائریکٹر جناب قاضی سلمان تہِ موٗجوٗد۔ پی آٮٔی بی سری نگرٕکۍ اسسٹنٹ ڈائریکٹر جناب سنیل کوہلن کوٚر استقبالیہ خطاب پیش۔ پننِس تقریرَس منٛز دِیُت مسٹر نیتیش راجوراہَن جموٗرِیَتُک ژوٗرِم تھَم پٲٹھۍ میڈیا کِس اَہَم کِردارَس پٮ۪ٹھ زور، خاص پٲٹھۍ جموں و کشمیر ہِوٮ۪ن حساس علاقَن منٛز۔