پامپرس منٛز 2 منشیات فروش گِرِفتار، ممنوعہ مادٕ ضبط: پُلیٖس

منشیاتن خٕلاف جنگ جٲری تھٲوِتھ چھِ جموں و کشمیر پولیسَن جنوٗبی کشمیر کِس پامپور علاقَس منٛز زٕ ڈرگ ڈِیلَر گِرِفتار کٔرمٕتۍ تہٕ یِمَن نِش چھِ بٔڑِس مقدارَس منٛز ممنوع چیز برآمد کرنہٕ آمٕتۍ۔
پُلسہٕ ترجمانَن ووٚن أکِس بیانَس منٛز زِ پامپور پُلسہٕ تھانہٕ کہِ أکہِ ٹیٖمَن رُکٲوۍ کادل بل، پمپور کِس أکِس چیک پوسٹَس پٮ۪ٹھ رجسٹریشن نمبر JK04F-4498 واجِنۍ اکھ گٲڑۍ یَتھ منٛز زٕ نَفر سفر کران ٲسۍ۔
تٔمۍ ووٚن زِ تلٲشی دوران آو گاڑِ منٛزٕ 37.740 کِلوگرام چرس برآمد کرنہٕ، ییٚمہِ پتہٕ دۄشوے نفر گِرِفتار کرنہٕ آے تہٕ گٲڑۍ تہِ آیہ ضبط کرنہٕ۔
شَکاوَر افرادَن ہٕنٛز شناخت چھےٚ کُندروٗ خان صاحب بڈگامٕکۍ روزَن وٲلِس عبدالرشید ڈار سُنٛد نیٚچُو، تہٕ پالپورہ بڈگامٕکۍ روزَن وٲلِس عبدالرزاق ڈار سُنٛد نیٚچُو مشتاق احمد ڈار ناوٕ سۭتۍ کٔرمٕژ۔
پُلسہٕ ترجمانَن دِژ اطلاع زِ اَتھ سلسلَس منٛز چھُ پامپور پُلسہٕ تھانس منٛز این ڈی پی ایس ایکٹ، ایف آئی آر نمبر 127/2025 کِس مُتعلقہٕ دفعَس تحت مقدمہٕ درٕج کرنہٕ آمُت، تہٕ مٔزیٖد تفتیش چھُ شُروٗع کرنہٕ آمُت۔
تٔمۍ ووٚن ووٚن زِ پولیس چُھ معاشرٕ منٛز نشاور ادوِیات ختم کرنہٕ باپتھ پُرعزم ۔