جموں و کشمیر کٮ۪ن لوٗکَن ہٕنٛز حفاظت تہٕ معیار زندگی بہتر بناوٕنۍ چھِ ساروِی کھۄتہٕ بٔڑ ترجیح۔منظم پٲٹھۍ پتھراؤ ، حملہٕ تہٕ شہری ہلاکتن منٛز آیہِ 100 فیٖصد کمی:امیت شاہ

ملی ٹینسی خٕلاف زیرو ٹالرنس پالیسی چھِ مثبت نٔتیٖجہٕ دِنہٕ آمٕتۍ، سیکورٹی سازوسامان جٔدیٖد بناونہٕ تہٕ مضبوٗط کرنَس پٮ۪ٹھ آو خاص توجہ دِنہٕ۔
اَتھ کَتھِ پٮ۪ٹھ زور دِتھ زِ جموں و کشمیر کٮ۪ن لوٗکَن ہٕنٛز حفاظت تہٕ معیار زندگی بہتر بناوٕنۍ چھِ حکوٗمتٕچ ساروِی کھۄتہٕ بٔڑ ترجیح، وزیرِ داخلہ امیت شاہَن ووٚن زِ دہشت گردی خِلاف زیرو ٹالرنس پالیسی خٲطرٕ تُلنہٕ آمٕتۍ قدم چھِ آز ثٲبت گژھان۔ تٔمۍ ووٚن بیٚیہِ زِ جموں و کشمیرٕ پٮ۪ٹھ آرٹیکل 370 ختم کرنہٕ پتہٕ چھِ صورتحال بدلیمٕژ، یتھ دوران سالانہٕ دربار مو ہٕنٛز روایت ختم کٔرِتھ 400 کرور رۄپیہِ بچاونہٕ آیہِ۔ تٔمۍ ووٚن بیٚیہِ زِ 36,370 پوسٹہٕ چھِ پوٗرٕ کرنہٕ آمٕتۍ۔ جموں و کشمیر پٮ۪ٹھ آرٹیکل 370 ختم کرنہٕ پتہٕ پانٛژھ ؤری پوٗرٕ گژھنَس پٮ۪ٹھ ووٚن وزیرِ داخلہ امیت شاہَن زِ پٔتِمٮ۪ن پانٛژن ؤرۍ یَن منٛز چھِ جموں و کشمیرَس منٛز اکھ نٔو تبدیلی آمٕژ۔