اسرایلن کوٚر جنگ بٔنٛدی ہٕنٛز کَتھ باتھ بیٚیہِ شروٗع

یروشلم: اسرایلن دِیُت جُمعہ دۄہ صُبحٲے قطر، مصر تہٕ امریکی ثالثن جواب تہٕ ووٚنُن زِ سُہ سوزِ اکھ وفد 15 اگست غزہ جنگ بندی کِس معاہدس پٮ۪ٹھ کَتھ باتھ بیٚیہِ شروٗع کرنہٕ خٲطرٕ۔
اسرٲیلی وزیر اعظم بینجمن نیتن یاہو سٕنٛدِ دفترَن ووٚن أکِس بیانَس منٛز زِ کَتھ باتھ کرن وٲلۍ ٹیم یِیہِ "فریم ورک معاہدس پٮ۪ٹھ عمل کرنہٕ خٲطرٕ تفصیٖلَن حتمی شکل دِنہٕ خٲطرٕ سوزنہٕ”۔ ‘‘
یہِ اعلان آو ترٛٮ۪ن مُلکَن ہٕنٛدٮ۪و ثالثَو اَکہِ مُشترکہٕ بیان جٲری کرنہٕ پتہٕ یَتھ منٛز اسرٲیلس تہٕ حماسَس تجویٖز شُدٕ معاہدس منٛز باقی تمام کٔمی ختم کرنُک تہٕ 15 اگست دۄہ کَتھ باتھ بیٚیہِ شروع کرنہٕ خٲطرٕ مُطالبہٕ کرنہٕ آمُت تاکہ اتھ پٮ۪ٹھ بغٲر تاخیر کرنہٕ یِیہِ۔