منوج سنہاہن کٔر سرینگرَس منٛز ‘ترنگا ریلی’ ہٕنٛز قیادت

سری نگر، 12 اگست (یو این آئی) جموں و کشمیرٕک لیفٹیننٹ گورنر منوج سنہاہن کٔر ژٔنٛدٕروارِ دۄہ صبحٲے ییٚتہِ أکِس ‘ترنگا ریلی’ ہٕنٛز قیادت یَتھ منٛز ساسہٕ بٔدۍ لوٗکو شِرکت کٔر، ییٚمیُک آغاز جھیل دل کِس بٔٹھِس پٮ۪ٹھ شیر کشمیر انٹرنیشنل کانفرنس سینٹر پٮ۪ٹھٕ گوٚو تہٕ بوٹینیکل گارڈنَس پٮ۪ٹھ ختم گوٚو۔ تہٕ کٔر اتھ عظیم ریلی منٛز حصہٕ۔
امہِ برٛونٛہہ پنٛنِس خطابَس منٛز ووٚن لیفٹیننٹ گورنرَن زِ: "اتھَن منٛز ترنگا ہٮ۪تھ لوٗکَن ہُنٛد سٔہلاب اوس اتھ تقریبہِ منٛز شٲمِل یُس کٔشیٖرِ منٛز گژھَن واجٮ۪ن تبدیلیَن ہُنٛد واضح پٲٹھۍ ظٲہِر چھُ کران۔” تٔمۍ ووٚن زِ پٔتِمٮ۪ن پانٛژن ؤرۍ یَن منٛز چھِ کٔشیٖرِ ہِنٛدٮ۪ن نوجوانَن منٛز اَہَم تبدیلیہٕ گٔمٕژ تہٕ تِم چھِ وۄنۍ مثبت مُقامَن پٮ۪ٹھ توجہ دِوان۔
ذٔرایعو ووٚن زِ کینواس دستخطی مُہِم پتہٕ یِیہِ بوٹینیکل گارڈنَس منٛز اکھ ثقافتی پروگرام مُنعقد کرنہٕ۔