یو جی سی-نیٹ 2024 منسوخ کرنُک حکومتی حکمس خلاف کٔر سپریم کورٹن عرضی مسترد

سپریم کورٹَن کٔر ژٕندٕروارِِ دۄہ یونیورسٹی گرانٹس کمیشن-نیشنل ایلیجیبلٹی ٹیسٹ (یو جی سی-نیٹ) 2024 رد کرنہٕ کِس مرکزٕکِس حُکمَس خلاف دائر اکھ پی آٮٔی ایل خٲرج، یہِ ونان زِ 21 اگست دُبارٕ طے شُدٕ امتحان منعقد کرنٕکِس فٲصلَس منٛز اتھ سطحس پٮ۪ٹھ دخل اندازی کرنہٕ سۭتۍ گژھِ پوٗرٕ انتشار۔ بی پردی والا تہٕ منوج مشرا سٕنٛدِ بیٚنچن کوٚر پروین ڈبس تہٕ باقین ہٕنٛز عرضی ماننہٕ نِش اِنکار، یہِ ونان زِ امتحان گٔژھِ مُقرر تٲریٖخ مُطٲبِق منعقد کرنہٕ یِنۍ۔ بیٚنچن ووٚن زِ أسۍ چھِنہٕ أکِس مثٲلی دُنیاہَس منٛز۔ امتحان گژھن 21 اگست دۄہ منعقد کرنہٕ۔ یہِ گژھہِ طالبہِ علِمن خٲطرٕ یٔقیٖنی بناونہٕ یُن۔ بیٚنچن ووٚن زِ موٗجوٗدٕ صورتہِ حالس منٛز چھِ عرضی دِنہٕ والٮ۪و حکوٗمت کِس فٲصلَس چیلنج کوٚرمُت۔ لَگ بَگ زٕ رٮ۪تھ گٔیہِ۔ درخواستس پٮ۪ٹھ غور کرنہٕ سۭتۍ گژھِ غٲر یقینی صورتحالس منٛز اضافہٕ تہٕ امہِ کِس نٔتیٖجس منٛز گژھِ شٔدیٖد انتشار”
سپریم کورٹَن ووٚن زِ وُنکیٚنَس چھِ حکوٗمت نیٹ کِس مسلہٕ کِنۍ دۄگنہٕ احتیاط کَران۔