سٲنۍ ترجیح چھِےٚ سرکٲرِۍ سکوٗلَن ہِنٛدٮ۪ن شُرٮ۪ن بہتر تٔعلیٖم فراہم کرٕنۍ: آتیشی

دِلہِ ہِنٛدِس ؤزیٖرِ تعلیٖمہِ آتیشی ین ووٚن آز زِ دِلہِ ہِنٛدیٚن سرکٲرِۍ سکوٗلَن منٛز پرَن وٲلٮ۪ن شُرٮ۪ن بہتر سٔہوٗلِیات تہٕ تٔعلیٖم فراہم کرٕنۍ چھِ سانہِ سارِوٕے کھۅتہٕ بٔڈۍ ذمہٕ وٲری۔محترمہ آتیشی یَن دِژ دلشاد گارڈن کِس سروودیہ ودیالیہ جموں و کشمیر بلاک کِس طالبہِ علمَن فرشَس پٮ۪ٹھ بِہنہٕ خٲطرٕ سکوٗلٕک پرنسپلَس خٕلاف تادیبی کاروٲیی کرنٕچ ہدایت۔تٔمۍ دِژ تمام ضِلعہٕ تعلیٖمی افسرَن پرٛٮ۪تھ ہفتہٕ پننِس ضِلعس منٛز کم از کم پانٛژن سکوٗلَن ہُنٛد معٲینہٕ کرنٕچ تہٕ پنٕنۍ رپورٹ محکَمس پیش کرنٕچ ہِدایت تہِ۔