(اجیت پوار) چھُ وۄنۍ جموں و کشمیرَس منٛز جھنڈٕ لہراونہٕ خٲطرٕ تیار۔

جنرل سکریٹری برج موہن شریواستو آو این سی پی سربراہ تہٕ نٲیِب وزیر اعلیٰ اجیت پوار تہٕ کارگذار صدر پرفل پٹیل سٕنٛدِ دٔسۍ کمان حوالہٕ کرنہٕ۔نیشنلسٹ کانگریس پارٹی (این سی پی) چھِ مہاراشٹر نٮ۪بر نیرنہٕ تہٕ جموں و کشمیرس منٛز پنُن جھنڈٕ لہراونہٕ خٲطرٕ تیار، مہاراشٹرٕکۍ نائب وزیر اعلیٰ تہٕ این سی پی سربراہ اجیت پوار تہٕ این سی پی کِس کارگذار صدر تہٕ ایم پی پرفل پٹیلن کٔر جموں و کشمیرٕچ باگ ڈور پارٹی جنرل سکریٹری برج موہن شریواستو حوالہٕ۔
ذِمہٕ دٲری سمبھالنہٕ پتہٕ أکِس طوفانی دورَس منٛز چھُ شریواستو جموں و کشمیرَس منٛز اکھ مضبوٗط ٹیم تیار کٔرمٕژ تاکہ یِنہٕ والٮ۪ن دۄہَن منٛز جموں و کشمیرَس منٛز اسمبلی اِنتِخابس منٛز پَنٕنۍ وۄمیدوار پوٗرٕ پٲٹھۍ کھڑا کٔرِتھ۔اِلیکشَن کٔمِشنَن چُھ جموں و کشمیر تہٕ ہریانہ ہَس منٛز ستمبر تہٕ اکتوبرَس منٛز اسمبلی اِنتِخابات کرنُک اعلان کوٚرمُت۔ برج موہن شریواستو سٕنٛزِ سرپرستی منٛز چھُ ریاست جموں و کشمیرَس منٛز تقریباً 32 لوٗکَن ہُنٛد اکھ مضبوٗط ٹیم بناونہٕ آمُت۔