ہندوستان-جاپان شراکت داری چھِ ہندو بحر الکاہل خطس منٛز امن تہٕ استحکام خٲطرٕ اہم: راجناتھ سنگھ

ؤزیٖر دِفاع راجناتھ سِنٛگھن ووٚن بۄموارِ دۄہ زِ ہِنٛدُستان تہٕ جاپان دۄشوٕنی ہِنٛدُستان پیٚسفِک خٕطس منٛز سیٚٹھا مُفادٕ تہٕ خٕطس منٛز اَمن تہٕ استحکامٕ خٲطرٕ چھےٚ یِہنٛز شراکتہٕ اَہَم۔وزیرِ خارجہ ڈاکٹر ایس جے شنکر تہٕ جاپٲنۍ وزیر دفاع مینورو کاہارا تہٕ وزیر خارجہ یوکو کامکاوا ہَس سۭتۍ ترٛیٚیِمہِ دۄیہِ پلس ٹو کَتھ باتھِ پتہٕ ووٚن سنگھَن زِ دۄشوٕنی مُلکَن چھُ ہندو بحر الکاہل خٲطرٕ مشترکہٕ وژن تہٕ یِہنٛز شراکتہٕ چھِ خطس منٛز امن تہٕ استحکام خٲطرٕ اَہَم۔ "آز پننٮ۪ن کَتھ باتھِ دوران کٔر أسۍ باہمی دلچسپی ہٕنٛدٮ۪ن دوطرفہ تہٕ علاقٲیی مسلن پٮ۪ٹھ کَتھ باتھ۔ ہندو بحر الکاہل کِس علاقس منٛز زٕ اہم اسٹیک ہولڈرن ہٕنٛدۍ پٲٹھۍ چھِ ہندوستان تہٕ جاپان واریٛاہ طریقو سۭتۍ خٕطٕک اہم محافظ۔ تَمِہ کِنۍ چھِ یہِ شراکت ہند بحر الکاہل کِس علاقس منٛز امن تہٕ استحکام خٲطرٕ اہم۔