گاندربلَس منٛز گوٚو اکھ گاڑِ حٲدثہٕ، ڈرائیور معمولی زخمی۔

بۄدھوارِ دۄہ صُبحٲے گوٚو وسطی کشمیر کِس گندھربل ضلعہٕ کِس رسن کولان علاقس منٛز اکھ گاڑِ حٲدثہٕ ییٚمہِ کِس نٔتیٖجس منٛز ڈرائیور معموٗلی زخمی گوٚو۔ گاندربل پولیسَن کٔر ‘X’ پٮ۪ٹھ أکِس پوسٹ ذٔریعہٕ معلوٗمات فراہم یَتھ منٛز وونمُت چھُ زِ بۄدھوارِ دۄہ صُبحٲے گٔیہِ گندھربل کِس رسن کولان علاقَس منٛز اکھ گٲڑِ سڑکہِ پٮ۪ٹھٕ پٮ۪ٹھٕ پٮ۪نہٕ تہٕ سندھ دریاوَس منٛز پییہِ۔ تِمَو ووٚن زِ گٲڑِ ٲس آٮٔی ٹی بی پی اہلکارَن تُلنہٕ خٲطرٕ گژھان۔