جمِس منٛز ملی ٹنٹ سٲتھی گِرِفتار، ہتھیار تہٕ گولہٕ بارود برآمد: پولیس

جموں و کشمیر پولیسَن کوٚر جموں کِس نگروٹا علاقس منٛز اکھ ملی ٹنٹ سٲتھی گِرِفتار تہٕ أمۍ سٕنٛدِس قبضس منٛز ہتھیار تہٕ گولہٕ بارود برآمد کٔرِتھ۔ پولیسٕکۍ ترجمانَن ووٚن أکِس پریس ریلیزَس منٛز زِ جموں پولیسَن رُکٲو ژٔنٛدٕروارِ دۄہ نگروٹا بائی پاس پٮ۪ٹھ ٹی سی پی چیک پوائنٹ پٮ۪ٹھ اکھ شخٕص یُس رجسٹریشن نمبر ایچ آر 38Z – 2066 وٲلِس ٹویوٹا ایٹیوس گاڑِ منٛز جموں پٮ۪ٹھٕ سری نگر گژھان اوس۔ تٔمۍ ووٚن زِ تلاشی دوران آیہِ 3 پستول، 3 خٲلی میگزین، 8 کارتوس تہٕ زٕ خٲلی کارتوس برآمد کٔرمٕتۍ، یِم معاون ڈرائیور سٕنٛز نشستہِ تَل أکِس ہینڈ بیگس منٛز ژوٗرِ تھاونہٕ ٲسۍ۔