اگر نہٕ حزب اختلاف اسمبلی منٛز خلل تراون تیٚلہِ یِنۍ کینٛہہ اَہَم بل پیش کرنہٕ : تنویر صادق

نیشنل کانفرنسٕکۍ سینئر ترجمان تہٕ قانون ساز اسمبلی ہٕنٛدِ رُکُن تنویر صادقَن ووٚن زِ اگر نہٕ حزب اختلاف برٛسوارِ دۄہ مقرر اسمبلی ہٕنٛدِس اجلاسَس منٛز خلل تراوِ نہٕ تیلہِ یِن کینٛہہ اَہَم بل پیش کرنہٕ۔ تِمَو ووٚن زِ پارٹی صدر ڈاکٹر فاروق عبداللہَن چھُ اتحادی جماعتَن ہٕنٛدٮ۪ن قونوٗن سازَن ہُنٛد اجلاس بُلوومُت یَتھ منٛز کینٛہہ اَہَم مسلَن پٮ۪ٹھ کتھ ییہِ کرنہٕ۔ سینئر ترجمانَن کٔر یہِ تبصرٕ بۄدوارِ دۄہ یَتہِ صحافیَن سۭتۍ کتھ کران۔ تٔمۍ ووٚن: ‘وۄمید چھِ زِ پگہہ برٛسوارِ دۄہ یِیہِ اسمبلی ہُنٛد اجلاس اصل ماحولَس منٛز منعقد کرنہٕ، تہٕ کینٛہہ اَہَم بل یِن پیش کرنہٕ۔ نیشنل کانفرنسہِ گژھِ لینڈ گرانٹس ایکٹ بل تہِ اننہٕ اگر نہٕ حزب اختلاف اجلاسَس منٛز خلل تراوِ۔ وۄمید چھِ زِ اسمبلی ہُنٛد اجلاس گژھِ مثبت ماحولس منٛز پَکُن۔’ ییٚلہِ نیشنل کانفرنسہٕ طرفہٕ اتحادی جماعتَن ہٕنٛدٮ۪ن قونوٗن سازن ہُنٛد اجلاس بُلاونہٕ مُتعلِق پرژھنہٕ آمُت تٔمۍ ووٚن: ‘معموٗلی پٲٹھۍ چھُ پارٹی صدر ڈاکٹر فاروق عبداللہ ہَن سُہ اجلاس بُلوومُت یَتھ منٛز راجیہ سبھا اِنتِخابات چھِ..