**کوپوارہس منز مال ریکارڈس منز ہیر پھیر؛ سابقہ پٹوارس خلاف چارج شیٹ دائر**

کرائم برانچ جموں و کشمیرک اقتصادی جرائم ونگ (EOW) کشمیِرن کور کوپوارہ کِس اکھ سابقہ پٹوارس خلاف مال ریکارڈس (Revenue Records) منز ہیِر پھیِر کرنکِس الزامس تحت عدالتس منز چارج شیٹ دائر۔کرائم برانچ مطٲبق، لیاقت علی خان نامی شخصن اوس پٹواری آسنہ وقتہ پننِس عہدُک ناجائز فائدہ تُلتھ ہئیہمہ علاقس منز خاندانی زمین دھوکہ دہی سان پننِس تہِ پننِس بھایِس ناوِ کٔرمژ۔تحقیقاتس منز یہِ پتا لُگ زِ ملزمن اوس خسرہ گردآوری منز غلط اندراج کٔرتھ تہِ سرکاری کاغذات تبدیل کٔرتھ جٲلی دستاویز بنٲومِت۔ اگرچہ محکمہ مالن کور وقتس پؠٹھ اکھ کاروائی کٔرتھ یہِ کوشش ناکام، تہِ ہِندِس خلاف ثبوتاں ہُنٛد بنا پؠٹھ آر پی سی (RPC) کین مختلف دفعاتن تحت کیس درج کٔرتھ چارج شیٹ عدالتس منز پیش کرنہ آو۔