سِریٖنَگَر کِس نوگامَس مَنٛز گٲڑِ ہِنٛدِ ٹھونچہ سٟتؠ ۳ CRPF اَہلکار زَخمی

سِریٖنَگَر کِس ناوگام عِلاقَس مَنٛز تَینٛگَن بایی پاس نَزدیٖک اکھ نادانِستہ گٲڑِ نیش چَلان سٟتؠ شری اَمرناتھ جی یاترا خٲطرٕ تَعینات تریٛہ CRPF اَہلکار زَخمی گٔامِت، یِمَن ہُنٛد عِلاج مَقٲمی ہَسپَتالَس مَنٛز جاری چھُ۔سَرکٲرؠ اَہلکارَو نِیُوز اَیجَنسی ‘کشمیر نیوز اوبزرور’ (KNO) ہَس مَلوٗمات دِوان دوٚپ زِ ناوگام کِس تَینٛگَن بایی پاسَس پؠٹھ اکھ نادانِستہ گٲڑِ دِژ CRPF کِس ۱۴۸ بَٹالِیَن (D کَمپنی) ہِنٛدین تِریٛن اَہلکارَن ٹَکَر۔تِمو دوٚپ زِ زَخمی اَہلکار گٔیہِ فَوْری طور پؠٹھ اِجالا سِگنَس ہَسپَتال ناوگام مُنتَقِل کَرنہٕ، ییٚتِہ تِمَن ہُنٛد عِلاج چَلان چھُ۔ ڈاکٹرَو مُطٲبِق چھِ تِمن ہِنٛز حالَتھ مَستَحکَم (Stable)۔ زَخمی اَہلکارَن ہِنٛز شَناخَتھ چِھنہٕ اَزُن تام سامنے آمٕژ۔پُلیٖسَن کٔر اَتھ حادَثَس پؠٹھ مَاملا دَرج تہٕ کٔرُن تَحقیٖقات شُروع۔