بانڈی پورہ کِس پنہار علاقَس منٛز چھِ مشکوک حرکت ؤچھنہٕ پتہٕ تلاشی آپریشن جٲری۔

شُمٲلی کشمیر کِس بانڈی پورہ ضلعہٕ کِس پنہار علاقَس منٛز چھِ مشکوک نقل و حرکتہٕ پتہٕ راتھ رٲژ بٔڑِس پیمانَس پٮ۪ٹھ تلاشی آپریشن جٲری۔
فوجٕکہِ چِنار کورَن ووٚن بَٹہٕ وارِ دۄہ صُبحٲے ‘ایکس’ کِس أکِس پوسٹَس منٛز، "جُمعہ دۄہ ژیٖرِ شامَس وُچھ بانڈی پورہ کِس پنہار علاقَس منٛز چوکس فوجی جوانَن مشکوک حرکت”۔
تٔمۍ ووٚن زِ "ییٚلہِ چیلنج کرنہٕ آو تیٚلہِ کٔر دہشت گردَو اندھا دھند گولہِ چلٲوِتھ نزدیٖکی جنٛگلَس منٛز”۔
تٔمۍ ووٚن پوسٹَس منٛز زِ علاقَس منٛز چھِ بٔڑِس پیمانَس پٮ۪ٹھ تلاشی آپریشن جٲری۔