ایکزِٹ پولَس منٛز گمراہ کَرُن، فتح تہٕ ہارنُک فٲصلہٕ یِیہِ بَٹہٕ وارِ دۄہ کرنہٕ: عمر عبداللہ

جموں و کشمیرٕکۍ وزیر اعلیٰ عمر عبداللہَن دِیُت جُمعہ دۄہ ایکزِٹ پول گمراہ کن قرار تہٕ ووٚنُن زِ حالٕے ماضِس منٛز کرنہٕ آمٕتۍ تمام ایکزِٹ پول چھِنہٕ صحیح۔ تٔمۍ ووٚن زِ پوٗنچھ یِنُک مقصد اوس ییٚتہِ تعمیٖر تہٕ ترقی خٲطرٕ افسرَن جوابدٕ بناوُن۔
وزیر اعلیٰ ووٚن زِ پوٗنچھ کِس اجلاسَس منٛز ٲسۍ لوکَن ہٕنٛدۍ منتخب نمایندٕ تہِ شٲمِل یِمَو پننٮ۪ن علاقَن ہٕنٛدۍ مسلہٕ تُلۍ۔
عمر عبداللہَن ووٚن زِ سینئر اہلکارَن سۭتۍ کَتھ باتھِ دوران آیہِ واریاہ مسلہٕ موقعہٕ پٮ۪ٹھ حل کرنہٕ۔
تٔمۍ سٕنٛدِ مُطٲبِق چھِ یہِ عوامٕچ منتخب حکومتٕچ ذمہٕ دٲری زِ سُہ کرِ عام لوٗکَن سۭتۍ قریبی ہم آہنگی یقینی بناوٕنۍ۔
تٔمۍ ووٚن بیٚیہِ زِ پوٗرٕ دۄہَس پوٗنچھ منٛز 24 عوٲمی وفدن سۭتۍ مُلاقات دوران آیہِ مسلہٕ حل کرنُک یقین دِنہٕ۔