کٹھواہَس منٛز بٔڑِس پیمانَس پٮ۪ٹھ نار لگنہٕ سۭتۍ اکہِ عیالٕکۍ شےٚ نفر یِمَن منٛز زٕ شُرۍ تہِ شٲمِل چھِ سپٕدۍ جان بحق، 4 زخمی۔

جموں و کشمیر کِس کٹھوعہ ضلعہٕ کِس شیو نگر علاقَس منٛز نار لگنہٕ کِس أکِس افسوسناک واقعَس منٛز گٔیہِ أکِس عیالٕکۍ شےٚ نفر یَتھ منٛز زٕ شُرۍ تہِ شٲمِل چھِ، زٔلِتھ ہلاک تہٕ باقی ژور زخمی گٔمٕتۍ۔
ذٔرایعن ووٚن زِ کٹھوعہ کِس شیو نگر علاقَس منٛز گٔیہِ أکِس ریٹائرڈ پولیس افسر سٕنٛدِس گَھرس منٛز نار لگنہٕ سۭتۍ زٕ نابالغن سۭتۍ شےٚ نفر ہلاک تہٕ باقی ژور زخمی ۔
تٔمۍ ووٚن زِ حالانٛکہِ تِم آیہِ جلدٕی گورنمنٹ میڈیکل کالج تہٕ ہسپتال، کٹھوا نِنہٕ، مگر تتہِ موجود ڈاکٹرو کوٚر شےٚ موٗدمُت قرار دِنہٕ۔
مرن والٮ۪ن ہٕنٛز شناخت چھِ گنگا بھگت (17)، بھارت بھوشن (17) سٕنٛز کوٗر، أمۍ سٕنٛدِس بٲیِس اوتار کرشنا (15)، برکھا رینا (25)، بھارت بھوشن (25)، تکشا رینا (3) تہٕ آدک رینا (4) پٲٹھۍ کرنہٕ آمٕژ۔
زخمیَن ہٕنٛز شناخت چھِ 61 وُہُر سُورنا سٕنٛز خانٛدارِنۍ اوتار کرشنا، 40 وُہُر نیتو دیوی، بھارت بھوش سٕنٛز خانٛدارِنۍ، رام بن کِس ایس چند سُنٛد 15 وُہُر ارون کمار تہٕ شیو نگر کٹھوا کِس مانسا رام سُنٛد کیول کرشنا پٲٹھۍ کرنہٕ آمُت۔