جموں و کشمیرس منٛز تمام ترقیاتی منصوبن ہُنٛد ماحولیٲتی جٲیزٕ گژھہِ کرنہٕ یُن: وحید پارہ

پی ڈی پی کِس سینئر لیڈر تہٕ ایم ایل اے وحید پاراہَن چھُ کان کنی سۭتۍ بٔڑِس پیمانَس پٮ۪ٹھ ماحولیٲتی تبٲہی پٮ۪ٹھ تشویش ظٲہر کٔرمٕژ تہٕ ووٚنُن زِ جموں و کشمیرَس منٛز چھُ اکھ بوٚڑ مافیا کان کنی کران، ییٚمہِ سۭتۍ جموں و کشمیرَس منٛز خاص طور پٲٹھۍ کشمیرَس منٛز بٔڑِس پیمانَس پٮ۪ٹھ ماحولیٲتی تبٲہی چھِ گژھان۔

تٔمۍ چھِ مرکزی وزیر ماحولیات نِش جموں و کشمیرَس منٛز جٲری پروجیکٹَن ہٕنٛدِس ماحولیٲتی جٲیزَس مُتعلِق وضاحت طلب کٔرمٕژ، یَتھ منٛز سڑکہٕ، ریلوے تہٕ سرنگہٕ شٲمِل چھِ۔

ایم ایل اے یَن ووٚن بۄدوارِ دۄہ میڈیاہَس زِ "جموں و کشمیرَس منٛز چھِ اکھ بٔڑ مافیا کان کنی تہٕ امہِ کان کنی تہٕ ترقی کہِ وجہ سۭتۍ چھِ جموں و کشمیرَس منٛز خاص طور پٲٹھۍ کشمیرَس منٛز ماحولیٲتی تبٲہی گژھان، تِکیٛازِ ییٚتہِ ہُنٛد ماحول چھُ نازک”۔