جموں و کشمیر کِس سیاستس منٛز چھےٚ پی ڈی پی غٲر متعلقہ گٔمٕژ: سکینہ ایتو

وزیر تعلیم تہٕ صحت سکینہ اِٹوَن کٔر پی ڈی پی یَس پٮ۪ٹھ تنقید تہٕ ووٚنُن زِ یہِ پارٹی چھِ جموں و کشمیر کِس سیاستس منٛز غیر متعلقہ گٔمٕژ تِکیازِ لوکو چھُ یہِ مسترد کوٚرمُت۔ تٔمہِ ووٚن زِ عمر عبداللہ سٕنٛزِ قیادتس منٛز چھےٚ حُکوٗمت لُکن ہِنٛزٕ تمام ضٔروٗرتہٕ پوٗرٕ کرنہٕ خٲطرٕ پابنٛد۔ وزیرَن کوٚر یِمَن خیالن ہُنٛد اِظہار جُمعہ دۄہ وسطی کشمیر کِس بڈگام ضلعہٕ کِس چڈورا علاقَس منٛز أکِس تقریٖبہِ دوران صحافیَن سۭتۍ کَتھ کران۔