شری امرناتھ یاترا: 7000 کھۄتہٕ زِیٛادٕ زائرینن ہُنٛد نٔوِم قافلہ گوٚو بھگوتی نگر بیس کیمپ پٮ۪ٹھٕ کٔشیٖرِ روانہٕ۔

برٮ۪سوارِ دۄہ صُبحٲے 7000 کھۄتہٕ زِیٛادٕ زائرین ہُنٛد نٔوِم قافلہ گوٚو بھگوتی نگر بیس کیمپٕ پٮ۪ٹھٕ شری امرناتھ جی یاترا خٲطرٕ سخت حفاظتی انتظامات تحت کٔشیر کُن روانہٕ۔ سرکٲرۍ ذٔریعن دِژ اطلاع زِ 7,307 زائرین چھِ برٮ۪سوارِ دۄہ صبحٲے بھگوتی نگر بیس کیمپ پٮ۪ٹھ مختلف سائزٕچن 284 گاڑٮ۪ن منٛز کشمیر کُن روانہٕ گٔمٕتۍ۔ یِمَن زائرین منٛز چھِ 5,534 مرد، 1,586 زنانہٕ، 25 شُرۍ تہٕ 162 سادھو شٲمِل۔