جموں و کشمیر:شُمٲلی کشمیر کِس بارہمولہ ضلعہٕ کِس اوڑی سیکٹرس منٛزتصادُم،اکھ فوجی اہلکار ہلاک۔

شُمٲلی کشمیر کِس بارہمولہ ضلعہٕ کِس اوڑی سیکٹرس منٛز لائن آف کنٹرول (ایل او سی) پٮ۪ٹھ تصادمس منٛز ہلاک اکھ فوجی ہلاک گوٚو۔ حُکامَو دِژ اطلاع زِ دۄشوٕنی طرفَن درمِیان گوٚو صُبحٲے 3:30 بجہِ اوری سیکٹرٕ کِس چورینڈا علاقَس منٛز گولین ہُنٛد تبادلہٕ۔ تِمَو وون زِ اتھ مُقابلَس دوران گوٚو اکھ سپاہ زخمی یُس پتہٕ زخمن ہُنٛد تاب نہ ورتٲوِتھ موٗد۔ تاہم، یہِ چھُنہٕ واضح زِ یہِ واقعہٕ اوس بارڈر ایکشن ٹیم (بی اے ٹی) حملہٕ یا دراندازی ہٕنٛز کوٗشِش یۄس ناکام آیہِ کرنہٕ۔ أتھۍ دوران چھُنہٕ وُنکیٚنَس امہِ واقعہٕ مُتعلِق فوجہٕ یا پُلیٖس طرفہٕ کانٛہہ تہِ بیان۔