حکوٗمت ہند کِس "میک اِن انڈیا” تہٕ "آتما نربھر بھارت” وژنَس مُطٲبق چھُ کٔشیٖرِ منٛز جے کے سپر سیمنٹُک باضٲبطہٕ آغازکرنہٕ آمُت یُس اِقتصٲدی ترقی منٛز فعال شِرکت کرنٕچ علامت چھےٚ۔

جموں و کشمیرس منٛز پنُن کاربار بڑاونہٕ تہٕ قدم قٲیِم کرنٕچ پہل منٛز چھُ جے کے سیمنٹ لمیٹڈٕچ ذیلی کمپنی تہٕ ہندوستانٕکۍ سرکردہ سیمنٹ مینوفیکچررز منٛز اکھ سیفکو سیمنٹ پرائیویٹ لمیٹڈَن کٔشیٖرِ منٛز پنُن مشہوٗر برانڈ جے کے سپر سیمنٹُک باضابطہ آغاز کرنُک اعلان کوٚرمُت۔ یہِ قدم چھُنہٕ صِرِف کمپنی ہٕنٛدِس ترقیٲتی سفرَس منٛز اکھ اَہَم سنگ میل بٔلکہِ جموں و کشمیرَس منٛز بنیٲدی ڈھانچہٕ تہٕ اقتصٲدی ترقی منٛز فعال شِرکت کرنٕچ علامت تہِ۔ سی این آئی مُطٲبِق یِیہِ جے کے سپر سیمنٹ، یُس پننہِ طاقتہٕ تہٕ پٲئیدٲری باپتھ زاننہٕ یِوان چھُ، یِیہِ وۄنۍ کٔشیٖرِ کٮ۪ن اہم ضِلعن منٛز تیار کرنہٕ تہٕ مقٲمی بازرَس منٛز دٔستِیاب کرنہٕ تاکہ بنیٲدی ڈھانچہِ منصوٗبَن تہٕ رہٲیشی تعمیرات خٲطرٕ اعلیٰ معیارٕک سیمنٹ دستیاب یٔقیٖنی بناونہٕ۔