خراب موسمی حالہٕ کِنۍ روزن جۅم صوبٕکی تمام سکوٗل 26 اگستس تام بند۔

جموں و کشمیر محکمہٕ تعلیم چھُ جموں ڈویژنٕک تمام سرکٲرۍ تہٕ پرائیویٹ سکوٗل 26 اگست تام بند تھاونُک حُکُم جٲری کوٚرمُت۔ ڈائریکٹر سکول ایجوکیشن جموں ڈاکٹر نسیم جاوید چودھری سٕنٛدِس حُکمَس منٛز چھُ ونٛنہٕ آمُت زِ یہِ فٲصلہٕ چھُ طالبہِ علمن ہِنٛدِ حفاظتہٕ مدنظر تھٲوِتھ کرنہٕ آمُت۔ حُکمَس مُطٲبِق روزن جموں کٮ۪ن تمام ضِلعن منٛز سکوٗل موسمی خطرَس دوران کُنہِ تہِ غٲر متوقع حالاتَس نِش بچنہٕ خٲطرٕ بنٛد۔