آپریشن سندور 2.0 آسہِ گۄڈٕنِکہِ کھۄتہٕ زِیٛادٕ تباہ کُن: لیفٹیننٹ جنرل منوج کُمار

سینئر فوجی افسر لیفٹیننٹ جنرل منوج کمارَن کٔر بوموارِ دۄہ واضح زِ اگر پٲکِستان پلوامہ ہِوۍ ناپاک حملہٕ کرنٕچ کوٗشِش کَر، یمہِ لٹہِ آسہِ ہندوستانٕچ جوابی کاروٲیی ‘آپریشن سندور 2.0’ گۄڈٕنِکہِ کھۄتہٕ واریاہ زیادٕ مہلک تہٕ تباہ کُن۔ تٔمۍ ووٚن زِ حالانٛکہِ پٲکِستانَس منٛز چھُنہٕ ہِنٛدُستانَس سۭتۍ کُھلے عام جنگ کرنٕچ صلٲحِیت مگر یہِ چھُ توتہِ پنٕنۍ پرٲنۍ پالیسیَن پٮ۪ٹھ عمل کران۔ تٔمۍ دِیُت اَتھ کَتھِ پٮ۪ٹھ زور زِ ہِنٛدُستٲنۍ فوج چھُ کُنہِ تہِ چلینج سۭتۍ مُقابلہٕ کرنہٕ خٲطرٕ لیفٹیننٹ جنرل منوج کمارَن ووٚن جوٚمَس منٛز نامہ نگارن سۭتۍ کتھ کران، ‘ییٚمہِ لٹہِ أسۍ یُس کاروٲیی کَرِ سُہ آسہِ واریاہ شٔدیٖد۔ آپریشن سندور 2.0 آسہِ یقینا زیادٕ طاقتور تہٕ کارگر۔ اَتھ منٛز چھُنہٕ کانٛہہ شَک۔’ تٔمۍ ووٚن بیٚیہِ زِ پٲکِستان روزِ نہٕ پننہِ فطرتہٕ کِنۍ رُکاونہٕ، تہٕ یوٚتام نہٕ پننِس ذہنیتس منٛز بُنیٲدی تبدیلی ییہِ، سُہ روزِ نہٕ یِژھہِ شرارت نِش پرہیز کران ۔ تٔمۍ سندِ مُطٲبِق چھُنہٕ پٲکِستانَس رٮ۪وٲیتی جنگ لڑنٕچ ہِٮ۪مت ۔ یہِ چھُ براہِ راست تصادمَس نِش بچان تہٕ تخریب کاری ذٔریعہٕ ہندوستانس نۄقصان واتناونٕچ کوٗشش کران۔