سرینگرَس منٛز ممنوعہ تنظیمَن سۭتۍ وابستہٕ ملی ٹنٹ سٲتھیَن ہٕنٛدٮ۪ن گَھرَن پٮ۪ٹھ چھاپہٕ: پولیس

پولیسَن وون زِ ملی ٹنٹ نیٹ ورک ختم کرنہٕ تہٕ غٲر قونوٗنی سرگرمیَن رُکاونہٕ خٲطرٕ مسلسل کوٗشِشن ہٕنٛدِ حصہٕ پٲٹھۍ کٔر سرینگر پولیسَن غٲر قونوٗنی سرگرمین (روک تھام) ایکٹ (یو اے پی اے) تحت جٲری معاملَن ہٕنٛز تفتیش کِس سلسلَس منٛز شہر کٮ۪ن مُختٔلِف علاقَن منٛز وسیع چھاپہٕ۔ تِمَو ووٚن زِ یِم چھاپہٕ کاروٲیی آیہِ ملی ٹنٹ سٲتھین تہٕ ممنوعہ ملی ٹنٹ تنظیمَن سۭتۍ وابسطہٕ اوور گراؤنڈ ورکرَن (او جی ڈبلیو) ہِنٛدٮ۪ن گَرَن پٮ۪ٹھ کرنہٕ۔ پُلسہٕ کہِ ترجمانَن ووٚن زِ یِم کاروٲیی آیہِ یوٗ اے پی اے یَس تحت جٲری تحقیٖقات کِس حِصہٕ رٔنگۍ کرنہٕ۔ تٔمۍ ووٚن: ‘یِمَن مربوط تلاشی کارروائیَن ہُنٛد مقصد چھُ دہشت گردی سۭتۍ وابستہٕ سرگرمیَن منٛز سہولت فراہم کرنَس یا مدد کرنَس منٛز شٲمِل افرادَن نشانہٕ بناوُن۔’ تٔمۍ ووٚن زِ یِم تلاشٕچ کاروٲیی آیہِ 13 نفرَن ہِنٛدٮ۪ن گَرن منٛز کرنہٕ۔ ترجمانَن ووٚن ووٚن زِ یِم کاروٲیی آیہِ مجسٹریٹ تہٕ آزاد گواہ شٲمِل قونوٗنی طٔریٖقہٕ کارٕچ پوٗرٕ تعمیل کٔرِتھ۔