جوٚمَس منٛز عارضی مُلٲزِمن ہُنٛد احتجاج.

آل جموں و کشمیر ڈیلی ویج ورکرز سٹرگل کمیٹی تحت مختلف سرکٲرۍ محکمن منٛز تعینات عارضی مُلٲزِم سپٕدۍ از برٛٮ۪سوارِ دۄہ یتہِ شہیدی چوکَس پیٹھ پننین مطالبن پیٹھ احتجاج کرنہٕ خٲطرٕ جمع ۔
مُظٲہِرینو کٔر وزیر اعلیٰ سٕنٛزِ رِہٲیشہِ کُن گژھنٕچ کوٗشش، مگر یِہٕنٛز کوٗشِش آیہِ ناکام کرنہٕ
اتھ موقعَس پٮ۪ٹھ ووٚن کمیٹی ہٕنٛدۍ صدر سنی کانت چِبَن میڈیاہَس زِ ‘اسہِ سۭتۍ چھُ غٲر منصفانہٕ سلوٗک یِوان کرنہٕ۔ أسۍ چھِ پننٮ۪و حقوٗقو نِش محروم کرنہٕ یِوان۔’
تٔمۍ ووٚن، ‘مگر أسۍ پھیرو نہٕ پَنٕنۍ حقوٗق حٲصِل کرنہٕ بغٲر پَتھ۔ أسۍ کٔرِو یہِ یٔقیٖنی بناونٕچ کوٗشِش زِ اسہِ میلہِ سُہ حق ییٚمِکۍ أسۍ حقدار چھِ۔’
صدرَن ووٚن بیٚیہِ زِ ‘اسہِ آو نہٕ وزیر اعلیٰ سۭتۍ سمکھنُک اِجازت دِنہٕ۔ اگر نہٕ سٲنۍ مُطالبات یَتہِ پوٗرٕ گٔے، أسۍ گٔژھو دِلہِ۔’
تٔمۍ ووٚن بیٚیہ، ‘أسۍ چھِ نظر انداز یِوان کرنہٕ’۔