4 دسمبر شامہٕ پٮ۪ٹھہٕ 5 دسمبر صُبحَس تام کشمیٖر کٮ۪ن پہٲڑی علاقَن منٛز ہلکہٕ شیٖن پیٚنُک امکان۔

محکمہ موسمیات چہِ پیشن گویی مُطٲبِق چھُ 4 دسمبر شامہٕ پٮ۪ٹھہٕ 5 دسمبر صُبحَس تام وادی کشمیر کٮ۪ن کینٛہَن پہٲڑی علاقَن منٛز ہلکہٕ شیٖن پیٚنُک امکان۔
مُتعلقہٕ محکمٕکۍ ترجمانَن ووٚن زِ 2 تہٕ 3 دسمبر روزِ وادی ہُنٛد موسم عام طور خۄشٕک ۔
تٔمۍ ووٚن زِ پتہٕ چھُ 4 دسمبر شامہٕ پٮ۪ٹھہٕ 5 دسمبر صُبحس تام پہٲڑی علاقَن منٛز ہلکہٕ شیٖن پیٚنُک امکان۔
تٔمۍ ووٚن زِ 6 تہٕ 7 دسمبر چھُ موسم بیٚیہِ عام طور خۄشٕک روزنُک امکان۔
ترجمانَن ووٚن زِ 8 دسمبر چھُ توقع زِ آسمانَس منٛز آسہِ کُنہِ حدس تام اۅبُر تہٕ کینٛژھن پہٲڑی علاقَن منٛز پیٚیہِ ہلکہٕ شیٖن ۔
تٔمۍ ووٚن زِ 9 پٮ۪ٹھٕ 13 دسمبر تام ہیکہِ موسمس کُنہِ حدس تام یا عام طور اۅبُر روزِتھ۔
تٔمۍ ووٚن زِ 14 تہٕ 15 دسمبر روزِ موسمس کُنہِ حدس تام اۅبُر تہٕ کینٛژھن پہٲڑی علاقن منٛز چُھ ہلکہٕ شیٖن پیٚنُک امکان۔